رســـــــــــــا ئــــــل ........s m s....!!!

الي استاذناالكبير محمد حسنين هيكـــل :

كفاية عليك كده ..ارجع لقرارك اللي اخدته مرة..واعتزل الكتابة..ليس هناك فرق ! اترك مساحه للحاضر والمستقبل يتشكل من جديد بلا تاثير من التجارب الفاشله بتاعتكوا اللي خربت بيوتنا..اترك الفرصه لرؤي جديده تتولد.. من غير ماتورث امراضكوا اللي تسببت لينا في الفشل علي مستوي العالم..وحضرتك طبعا لست مفكرا لالا..انت كنت مشارك ومسئول في فتره هيه السبب في الخراب اللي احنا فيه النهارده مكنتش فرد عااادي لالا كنت مسئول اساسي ورئيسي عن صياغه تلك الفتره الخطيرة من تاريخ مصر وافكارك النيره طبعا هيه السبب في الكوارث اللي حصلت والخراب النهارده عاوز تخليها بكلامك المعسوول جنه ..حرام عليك كفايه خداع علي مين ياريس..دانت بالذات خربتها وقعدت علي تلها..والمصيبه اننا كان مفروض نحاكمكوا علي تلك المصايب ..مش النهارده انتو وكل كتاب الزفه الناصريه في تلك الفتره نازلين تكدبوا علينا وترسموا صورة كاذبه خادعه مش حقيقيه وكل مشاكل الحاضر انتو اللي زرعتوها والمشكله من دراويشكوا وكتاب الزفه مش بتسمحوا لراي اخر يحاكم او مجرد ينتقد تجاربكوا الفاشلة..لوانتو بتحبوا البلد كنتوا اول من انتقد السلبيات والمصايب اللي حصلت ..لكن انتو عملتوها طريقه صوفيه فيها ذكر واوراد ياريت تضمها اقصد الطريقه بتاعتكوا للمجلس الاعلي للطرق الصوفية وتعملوا مولد الناصريه كل سنه في 5 يونيو افضل ليكوا والله وسيبوا الحاضر والمستقبل للاجيال الجديده تشكل بعيدا عن افكركو واورادكو ..الله حي ..!!!!!

الي الاستـاذ :عبد الحليم قنديــل ...

.

والله انا استريحت لما تركت انت جريده صوت الامه او أقلت متفرقش ..هتستمر ترغي وتزبد وهو هو ..النص والكلام نفس الكلمات ونفس الاسطوانه المشروخه انت ياراجل مامليتش من ترديد نفس الكلام ..وبتحمل الحاضر وتحاكمه كل يوم ومفيش قضيه قدامكوا انتو والناصريين والقوميين والاسلاميين غير تحميل الحاضر كل السوءات والكوارث بتتعمدوا تدسوا السم في العسل بتتناسوا عمدا ان كل اللي احنا فيه النهارده نتيجه طبيعيه لتجاربكوا الفاشله في الخمسينات والستينات وفي السياسه نفس الدستور بتاعكوا وقوانينكوا و .. و ... كله من ابداعكوا وابداع تلك الفتره السيئه في تاريخنا ليه انتو متكونوش متعصبين لوطننا وتنتقدوا اخطاؤكوا وخطاياكو في تلك الفتره ومتحملوش الحاضر كل المصائب لالا انتو السبب انتو اللي زرعتوها ووزرعكوا احنا بنحصده النهارده النهارده بلدنا بقت مشكله لمن يريد ان يتحمل مسئوليتها وبده يعمل حاجه لانه فيه ركام من الماضي وسلبيه شعوبنا اللي تعودت علي النوم والكسل ياسيدي التقدم والحضاره صناعه بشريه يعني الكل لازم يشترك ويتفاعل مع قضايا وطنه ويشيل المسئوليه مش يتكلم بس يعمل اي حاجه تساهم في تغيير الواقع ده المعزوفه الجديده اللي لازم نعزفهاهيه ان الناس والشعوب تتخلي عن الثقافه الموروه اللي بسميها اكتر لفظ يوصف الحاله لفظ قديم استخدم في كتب الفقه الراعي والرعيه! تجار الناصريه الفاشله وتجارب محمد علي كلها فشلت بسبب انها غيبت الشعوب عن تحمل المسئوليه اقصد مسئوليه التغيير لان التغيير الفوقي والنخبوي مش هيعمل حاجه وتاملوا مسيرة الغرب ازاي تقدم مش الحكام بس والشعوب قبل كل شيء هيه اللي دفعت بمسئوليتها وتعبها وصنعت التقدم بص لالمانيا بعد هتلر اليابان امريكا.. كله بيشارك.. كفايه تقعدوا تضللوا الاجيال الجديده وتزيفوا الحقائق لاننا لازم نتحاسب عملتوا ايه يا ناصريين وقوميين غير التجارب الفاشله والخراب وكل شيء كان في ايدكوا غيبتوا الشعوب وعلمتوا الناس السلبيه وعيشتوهم في جو ديكتاتوري مستبد وهو ده خلاصه القضيه كله عاوز دكتاتوره وانفراد بالحكم زي صدام وزي زعيمكو وزي القذافي والباقي ترتـــــر !كدب في كدب ولاانجازات ولايحزنون الكل في واحد..وكفايه ..كفايه باه ارحلوا عننا وسيبو الاجيال الجديده تصنع مستقبل مصر واللا ايـــــــــــــــــــــه ،،،،،..!!

الي الاستـاذ فهمـي هويـــدي

:

كاتب اسلامي ..وطلعت للحياة لقيته وكنت بقرا ليه بانتظام في مجله العربي زمان وفي الاهرام المهم تعلمت منه في البدايه في تجاربي االلي عشتها وخضتها مع عالم الافكار النقد الذاتي وتعلمت رؤي جديده تتصادم مع الرؤي التقليديه للاسلاميين في الثمانينات لكن للاسف انقلب علي خطه ورجع الي عالم الدروشه والطبل البلدي والتشدد والاكثار من تعاطي لفظه المسلمات اللي كترت اليومين دول وسحبت من عالم الافكار الي عالم العقائد..اخر حاجه بصوا لرؤيته في قضيه غزه وغير وغير غير الكلام التقليدي وقسمة العالم الي حزب الله وحزب الشيطان..الي اخر القاموس الساري والحالي المهم هو بيدعي انه مفكر..باماره ايه..واللاه بيجيله فكر في المنام مثلا...ودي حاله جديده بتصيب كل الوعاظ وملقني الموتي والمحتضرين ومغسلي الموتي بيسموا ارواحهم برضه مفكرين يمكن يقصدوا ساعه الحساب يقولوا ابقي فكرنا بالاجرة وحياة ابوووك....ههههه حلوه دي المهم..ان كلام سينا فهمي هويدي رضي الله عنه اصبح متشدد اكتر وغير طبعه اللي انا عرفته زما متعرفش هيه حاله مرضيه ماشيه اليومي دول واللي هيه البضاعه الماشيه في السوق اليومين دول المهم فكرمولانا فهمي هويدي هو هو نفس افكار القومنجيه والناصريه والخومينيه والبعثيه والكتاب الاخضر كله ترتر لكن المضمون استبداد وحكم شمولي ودكتاتوريات كله مضمون واحد حتي في برامج الاسلاميين اللي هيه برضه في محتواها نازيه وفاشيه لانها بتحتوي علي قوه قتل ثلاثيه يعني الهيكل العام عند الناس دي كلهم حتي حزب الله وحماس نظام فاشي حكم استبدادي ولامراجعه لاي احد داخل تلك المعسكرات السياسيه باللون العسكري غير مطلوب عند حماس او حزب الله وكل التيارات الدينيه غير مطلوب من اي ملتحق بهم او فرد ينضم اليهم سوي الطاعاه التي بلا تردد او حرج او مراجعه والموت في سبيل ان يعيش الزعيم او الفائد او المرشد دون ان تمسه ناموسه تايهه اوذبابه كافره تلدغه حتي مره سمعت في حرب حزيران امراه مات اولادها في جنوب لبنان من الغارات الاسرائيليه تقول كله فدا جزمة السيد حسن نصرالله!!! هذا هو المطلوب من شعوبنا الغلبانه ان تموت فداء احذيه هؤلاء النمط من الزعما لان دي للاسف هيه ثقافتنا وننكرها ليه هو ده تاريخنا سواء كنا اسلاميين او ناصريين او قوميين او قاعده او.. او.. المهم يااسيادنا البعدا ده لازم نعرف انه نظام من ابتكار الناس والزعما لك مش دين نتقرب الي الله بيه الدين بيطلب منا اننا نكون بامانه مسئولين عن حياتنا وتقدمنا والحفاظ علي امورنا ممكن باه يا استاذنا الجليل تكتب عن تغيير حياتنا الثقافيه اللي بتصنع تلك النماذج من الزعماء اللي بيسحقوا شعوبنا وشعوبنا ماشيه وراهم بلا ترددممكن ؟؟ وللا مصر علي رايك ياريت تستقيل من الكتابه احسن وبلاش وجع دماغ ..وسيبوا الاجيال الجديده تتشكل بعيدا عن سيطرة افكاركوا الفاشله اللي بترددوها وغيرتش حاجه من مجمل حياتنا المطينه بطين والسلام عليكوا والي لقاء اخر وتصبحوا علي خير....!!!